Este mes de maio publicouse o Plan de Software Libre para o ano 2016 da Xunta de Galicia. Este plan define as liñas de actuación da administración nesta materia.

Ao mesmo tempo e como vén sendo habitual dende fai varios anos, GHANDALF asinou coa Axencia de Modernización Tecnolóxica de Galicia (AMTEGA), xunto con outras asociacións un convenio de colaboración para a realización durante todo este ano de diferentes actividades de difusión do Software Libre.

Entre as actividades previstas ao abeiro deste convenio por parte da nosa asociación podemos destacar a celebración de diferentes eventos, colaborando con diversas asociacións, como son a OSHWDem xunto á xente de Bricolabs, a GeocampES con Geoinquiets, o unha xornada sobre Python coa xente de Python Vigo. Seguiremos tamén coa importante difusión do Software Libre en centros de ensinanza con charlas de introdución ao Software Libre e a cartografía libre con OpenStreetMap, coa distribución de copias impresas das nosas publicacións, e como en Ghandalf temos un xen moi Xeoinquedo, este ano tentaremos facer algo relacionado con drons e OpenStreetMap que nos ten moi motivados e que pouco a pouco iremos desvelando.